Saklolo, Panginoon; naglalaho ang banal. Nauubos ang tapat sa gitna ng mga anak ng tao. Bawat isa'y nagsasalita ng walang kabuluhan sa kapwa, Mapanuyang labi at pusong nahahati. Sinasabi nila: Sa aming dila kami mananaig; Amin ang aming labi, sino ang panginoon sa amin? Ngunit puputulin ang mapanuyang labi, At ang dilang nagsasalita ng kapalaluan. Ang mga salita ng Panginoon ay dalisay, Pilak na sinubok sa hurnong lupa, Dinalisay nang pitong ulit. Dalisay ang Kanyang salita. Dahil sa pang-aapi sa dukha, Dahil sa daing ng nangangailangan, Bumangon ang Panginoon upang ilagay siya sa ligtas Mula sa humahangos laban sa kanya. Ang mga salita ng Panginoon ay dalisay. Iingatan Niya sila, iingatan Niya sila Mula sa lahing ito magpakailanman, Kahit itaas ang mga hamak na tao. Pilak na pitong ulit dinalisay. Dalisay ang Kanyang salita.