Ingatan Mo ako, O Diyos; Sa Iyo ako nagtitiwala. Sinabi ko sa Panginoon: Ikaw ang aking Panginoon; walang mabuti sa akin bukod sa Iyo. Nasa mga banal ang buong kaligayahan ko, Sa mga marangal na lumalakad sa lupa. Ngunit dumarami ang kalungkutan ng mga Nagmamadali sa ibang diyos. Ang Panginoon ang bahagi ng aking mana At ang bahagi ng aking saro. Ikaw ang nag-iingat ng aking kapalaran; Nahulog sa akin ang guhit sa kaaya-ayang dako. Pupurihin ko ang Panginoong nagpapayo sa akin; Sa gabi'y tinuturuan ako ng aking kalooban. Inilalagay ko ang Panginoon sa harap ko lagi; Nasa aking kanan Siya, at hindi ako matitinag. Kaya't nagagalak ang aking puso, Nagsasaya ang aking kaluwalhatian, At ang aking laman ay magpapahinga sa pag-asa, Sapagkat hindi Mo iiwan ang aking kaluluwa sa libingan. Ituturo Mo sa akin ang landas ng buhay. Sa Iyong harapan ay may kapuspusan ng galak; Sa Iyong kanan ay may kaligayahang walang hanggan. Isang magandang mana. Ang aking bahagi at saro.