Napuno ako ng galak nang sabihin nila: "Umahon tayo sa bahay ng Panginoon." Ngayon nakatayo ang ating paa sa iyong pintuan, Jerusalem, lungsod na magkakaugnay. Doon umaakyat ang mga lipi upang magpasalamat; Doon inilagay ang mga trono ng paghatol. Hilingin na maingatan sa kapayapaan ang Jerusalem; Tatanggap ng pagpapala ang umiibig sa kanya. Kapayapaan sa loob ng iyong pader, Katahimikan sa loob ng iyong palasyo. Para sa kapatid at kasama sasabihin ko: "Manahan nawa sa iyo ang kapayapaan." Dahil sa bahay ng Panginoon nating Diyos, Hahanapin ko ang iyong kabutihan.