Magpasalamat sa Panginoon sapagkat Siya'y mabuti; Sabihin ng Israel: walang hanggan ang Kanyang awa. Sumagot ang sambahayan ni Aaron at gumagalang sa Kanya: Walang hanggan ang Kanyang awa. Sa kagipitan tumawag ako at binigyan Niya ng maluwag na lugar. Kasama ko ang Panginoon, sino ang katatakutan? Pinaligiran ako ng mga bansa na parang putakti, Ngunit sa Kanyang pangalan sila'y aking pinabagsak. Ang batong tinanggihan ng mga tagapagtayo Ay naging pangulong bato sa sulok. Gawa ito ng Panginoon; Kamangha-mangha sa ating mga mata. Ito ang araw na ginawa ng Panginoon; Tayo'y magagalak at magsasaya rito. Pinagpala ang dumarating sa Kanyang pangalan; Itali ang handog sa tabi ng dambana. Ikaw ang Diyos ko at pupurihin Kita. Magpasalamat, sapagkat walang hanggan ang Kanyang awa.